"కు"సుమ హారం

 కొందరిని

"కొలుచుటకు"
తగిన "పదపుష్ప"మే లేదు.

అష్తోత్తర శత
నీచపద "కు"సుమ హారం
వేయాల్సిందే.

కట్ బొట్టు

 

ఇంత కనబడని

పెట్టు బొట్టెందుకు
అంతా కనబడే
కట్టు బట్టెందుకు.

వైర్ లెస్

 

సాంకేతికతకు

"వైర్"లు

సమాజానికి

"వైరులు"
లేకుంటేనే

అభివృద్ధి.

రీల్సు

 

నిద్ర పోతేచాలు
రీల్సు, షార్ట్ ఫిల్ములు
.......మేల్కొనేదాకా.

సెల్ఫీ

 

అందరినీ

తలెత్తుకునేలా

చేస్తుంది

"సెల్ఫీ"

ఎర - వల

 

ఎర ఎలా ఉంటుందో

వల ఎలా వేస్తారో
చెప్తూనే ఉంటాయి
తప్పించుక వచ్చిన చేపలు

అయినా వాటికి చిక్కి
బలైపోతూ ఉంటాయి
కొన్ని పిచ్చి మచ్చెములు
కన్నుమిన్నుగానని మీనులు.

న్యూ,సెన్స్

 శాస్త్ర విజ్ఞానం పెరిగి

"న్యూ" "సెన్స్" తో  

నరు"డెదిగి" పోతున్నాడు

ఆకాశానికి

"న్యూసెన్స్" తో 

నరుడె "దిగి" పోతున్నాడు

పాతాళానికి. 

గీత

 భగవంతుడు 

బాపూలాంటి 

"చిత్ర"కారుడు

చిన్న "గీత"తో

నీలో "మార్పు"

తీసుకొస్తాడు. 

పాడు "బెట్టింగు"

 

జూదాలు బాగా ఆశబెట్టింగు
ఆవల ఎవరో “వల”బెట్టింగు
"దురాశగాళ్ళు" తలబెట్టింగు

ఆపైన కాసి "బెట్టింగు"
అప్పుజేసి డబ్బుబెట్టింగు
ఆస్తులు కుదువబెట్టింగు

ఉన్నది ఊడ్చిబెట్టింగు
గెలుపే లేకుండా ఓడబెట్టింగు
బంగరు భవితను పాడుబెట్టింగు

చేయాలి తెలివికి పదునుబెట్టింగు
బాగుపడాలనే ఆలోచనబెట్టింగు
నిజం తెలుసుకోవాలనే దృష్టిబెట్టింగు

వీడుతూ ఉండాలి అహం," బెట్టిం"గు
తదుపరి దురలవాటును పడుకోబెట్టింగు
ఆపై వదిలి పెట్టాలి పాడు "బెట్టింగు"

ఎలి "వేటు"

 

అంతా

"మా"ధ్య"మా"ల
మహిమ
ఎలివేటైనా
వెలివేతైనా.