కవి'తల' అలలు
ఈ కవి తలలో పుట్టిన అలలు ఈ 'కవితల అలలు' .... ఇవి కవి'తల' అలలు.
30, అక్టోబర్ 2018, మంగళవారం
వాడి చేయి.
జీవన పోరాటం
నీ శక్తిని వాడి చేయి
వల్లకాక వేడితే
అందుతుంది పైవాడి చేయి.
29, అక్టోబర్ 2018, సోమవారం
నలు గురి వైపు
లక్ష్యం చేరాలం
టే
చూడకు నలుగురి వైపు
శ్రద్ధతో కొనసాగించు
నీ సాధనలు గురివైపు.
28, అక్టోబర్ 2018, ఆదివారం
వీలు, వాలు
విలువలు
కొందరికి వలువలు
మరి కొందరికి
వీలు, వాలు.
27, అక్టోబర్ 2018, శనివారం
తలదన్నువాడు.
సరిహద్దులో సైనికుడు
నిరంతర శ్రామికుడు
దేశ భద్రతల దన్నువాడు
శత్రువుల తలదన్నువాడు.
26, అక్టోబర్ 2018, శుక్రవారం
నన్నడుగు.
ధర్మం వైపే ఉంటే
వేసే ప్రతి అడుగు
నీవెనక లేకుంటే
దేవుడు నన్నడుగు.
25, అక్టోబర్ 2018, గురువారం
కనబడే గుట్టు
పెట్టినా కనబడని బొట్టు
కట్టినా కనబడే గుట్టు
కొందరి కట్టూ బొట్టు
అనిపించదా ఎబ్బెట్టు.
24, అక్టోబర్ 2018, బుధవారం
నాగరికం
తక్కువ బట్టల్తో
ఒళ్ళు కప్పుకోడానికి
ప్రయత్నిస్తే పేదరికం
ప్రదర్శిస్తే నాగరికం.
21, అక్టోబర్ 2018, ఆదివారం
సెల్లు చీటీ
కొందరి సంబంధాలకు
సెల్లు "స్వీటీ"
కొందరి అనుబంధాలకు
"చెల్లుచీటీ."
20, అక్టోబర్ 2018, శనివారం
గుండె చెరువు
ఇళ్ళుమొలిచిన
వనంలా
గుండె చెరువు
వాన కురిసిన
భవన వాసుల
గుండె చెరువు.
18, అక్టోబర్ 2018, గురువారం
"అమ్మాయ"ని
జగదంబను దలచి
వేడితే "అమ్మా"యని
తొలగిస్తుంది మనమనసుల
కప్పిన "అమ్మాయ"ని.
15, అక్టోబర్ 2018, సోమవారం
బరువు
పిల్లలు వీపుపై
పుస్తకాల బరువు
వారి"స్కూల్ ఫీజ్"
మోసుకెళ్తున్నాడా అన్నట్టు.
14, అక్టోబర్ 2018, ఆదివారం
"మీటు" తారలు
ఈ "మీ టూ" తారలు
తమగతాన్ని "మీటు" తారలు
ఎటువేస్తారో అంగలు
కొందరు సినిమాస్టార్లు, మాస్టార్లు
తేలుకుట్టిన దొంగలు.
10, అక్టోబర్ 2018, బుధవారం
ఆ వల
అమ్మాయీ! వలపన్ని వలపని
వచ్చి వేస్తారు కొందరు
ఆ వల
అమ్మా! యీ వలో, వలపో
గమనించకుంటే వలవల ఏడుపే
ఆవల.
8, అక్టోబర్ 2018, సోమవారం
నీ తల పేలే
శుభ్రంగా ఉంచుకోకుంటే
పడతాయి
నీతల 'పేలే'
నలుగురు మెచ్చాలంటే
స్వచ్చంగాఉండాలి
నీ 'తలపేలే'.
7, అక్టోబర్ 2018, ఆదివారం
వేళ్ళు
వీడికెప్పుడూ వీడియో గేంలు
కేవలం కదిలేది వేళ్ళు
ఆరోగ్యంవీడి అనారోగ్యం
ఊనుకుంటుంది వేళ్ళు.
5, అక్టోబర్ 2018, శుక్రవారం
ఎండెప్పుడూ
ఎండాకాలం కాలేదు రిలీవు
వానాకాలానికి ఎవరిచ్చారీ లీవు
మాడ్చుతోంది ఎండెప్పుడూ
ఈ ఎండలకు ఎండ్ ఎప్పుడూ?
4, అక్టోబర్ 2018, గురువారం
ఆ పుట
చరిత్రపుస్తకంలో నీకోటా
ఎదురు చూస్తోంది
ఆ పుట
నీచరిత ఘనంగా మలచుకుంటే
ఎవరికైనా సాధ్యమా
ఆపుట?
కొత్త పోస్ట్లు
పాత పోస్ట్లు
హోమ్
దీనికి సబ్స్క్రయిబ్ చేయి:
పోస్ట్లు (Atom)