కవి'తల' అలలు
ఈ కవి తలలో పుట్టిన అలలు ఈ 'కవితల అలలు' .... ఇవి కవి'తల' అలలు.
31, డిసెంబర్ 2018, సోమవారం
డ్రస్సు - అడ్రస్సు
మనిషిని "గుర్తించడానికి"
ఉండాలి సరైన అడ్రస్సు
"మనిషిగా" గుర్తించడానికి
ఉండాలి సరైన డ్రస్సు.
27, డిసెంబర్ 2018, గురువారం
"విన్" యోగం.
చేశావా సరియైన
సమయ వినియోగం
లక్ష్యసిద్ధికవుతుంది
అది "విన్" యోగం.
26, డిసెంబర్ 2018, బుధవారం
వాటేసుకోకు
ఫ్హేస్ బుక్కును
ఫేసుకు అతికించుకోకు
వాట్సప్పును
వదలక వాటేసుకోకు.
25, డిసెంబర్ 2018, మంగళవారం
"వేడితే"... "చల్లగా."
భగవంతుని
భక్తితో"వేడితే"
మనలను
చూస్తాడు"చల్లగా."
23, డిసెంబర్ 2018, ఆదివారం
"లై" సెన్స్.
అబద్ధాల"నమ్ముకొని"
బ్రతుకుతారు కొందరు
ఎవరిచ్చారు
"లైసెన్స్"
అది వారి
"లై" సెన్స్.
22, డిసెంబర్ 2018, శనివారం
ఉలికి
కాబోయే శిల్పమా!నిగ్రహించుకో
ఉలికి భయపడి
ఉలికి పడడమెందుకు
ఆదెబ్బలు నీమంచికే.
21, డిసెంబర్ 2018, శుక్రవారం
"నోట్"లో
మనిషి జీవితం
కరెన్సీ "నోట్"లో
మంచితనం
మాట్లాడే నోట్లో.
"పంప్"ఇస్తాడు
దూదిపింజల మేఘాల్లోకి
నీటిని "పంప్"ఇస్తాడు సూర్యుడు
వాటినెటో నెట్టుకెళ్ళి
పిండేస్తుంటుంది గాలి.
17, డిసెంబర్ 2018, సోమవారం
మొయిలు “మెయిలు”.
గాలి “నెట్టు” కెళ్ళే మొయిలు
కావ్య నాయికా నాయకులకు
కవులు ఏర్పాటుజేసిన “మెయిలు”.
"సేవ్" ఇంచుట
నీటిని
సేవించుట
"సేవ్" ఇంచుట
రెండూ అవసరమే.
12, డిసెంబర్ 2018, బుధవారం
అలకెందుకు
ఎప్పుడూ బయటకు నెట్టేస్తుంది
సముద్రానికి అలపై
అలకెందుకు
?
గెంటినా మరలా లోపలికే వెళ్తుంది
దానిపై మమకారం
అలకెందుకు
?
11, డిసెంబర్ 2018, మంగళవారం
ఎ "ఫైర్"
పర పతి, సతులతో
సాగించే "ఎఫైర్"
పరపతిని పూర్తిగా
కాల్చేసే ఎ "ఫైర్"
10, డిసెంబర్ 2018, సోమవారం
ముం 'చెడు అలవాట్లు'
ఆకర్షిస్తాయి జాగ్రత్త
చెడు అలవాట్లు
అవుతాయి నీ భవితను
ముంచెడు అలవాట్లు.
.
9, డిసెంబర్ 2018, ఆదివారం
వాడుపోయాక
మనిషెంత మంచివాడో
ఎదుటివాడి మంచితనాన్ని
ఎదలోనే దాచుకుంటాడు
వాడుపోయాక చెప్పడానికి.
8, డిసెంబర్ 2018, శనివారం
తీరిక
జీవితం బిజీనెస్
అంతా బిజినెస్
ఉందా సరదాగా గడిపే తీరిక
మారుతుందా నిజంగా ఈ తీరిక.
7, డిసెంబర్ 2018, శుక్రవారం
"నోటా" క్
ఓటరు నోటంటే
అభ్యర్ధి "నోటాక్"
"నోటా?" అంటే ఓటు
"నోటా" కేస్తాడని.
6, డిసెంబర్ 2018, గురువారం
'శై' శవం
"చిచ్చీ" అంటూ
ఎత్తుకుంటే శైశవం
"ఛిఛీ" అంటూ
ఎత్తుకుంటే
శవం.
4, డిసెంబర్ 2018, మంగళవారం
చదువులమ్మకు
మరీ వ్యాపారం చేసి
చదువులమ్మకు
కొంతైనా గౌరవమీయవా
చదువులమ్మకు?
1, డిసెంబర్ 2018, శనివారం
మందెక్కువైతే
మందెక్కువైతే మజ్జిగ పల్చన
మందెక్కువైతే మజ్జిగతో పల్చన
మందెక్కువైతే ఆరోగ్యం పల్చన
మందెక్కువైతే సంఘంలో పల్చన.
కొత్త పోస్ట్లు
పాత పోస్ట్లు
హోమ్
దీనికి సబ్స్క్రయిబ్ చేయి:
పోస్ట్లు (Atom)