కవి'తల' అలలు
ఈ కవి తలలో పుట్టిన అలలు ఈ 'కవితల అలలు' .... ఇవి కవి'తల' అలలు.
22, ఫిబ్రవరి 2019, శుక్రవారం
విను వీధిని
చిత్రమైనది ఈ విధి
విను, వీధిని పడేస్తుందో!
ఎప్పుడు ఎవరిని
వినువీధిని తిప్పేస్తుందో!
19, ఫిబ్రవరి 2019, మంగళవారం
"తెలుగు" వాడే.
పంచె కట్టాలంటే
'తెలుగువాడే"
పంచ్ కొట్టాలంటే
"తెలుగు" వాడే.
10, ఫిబ్రవరి 2019, ఆదివారం
ఓ పన్ జెయ్
దేవుడి "నెట్"
కనెక్ట్ అవ్వాలా
ఓ పన్జెయ్
మది "సిస్టం"లో
భక్తి "విండోస్"ని
ఓపన్జెయ్.
7, ఫిబ్రవరి 2019, గురువారం
అది... కారం
అధికారం...
చల్లగూడదు
పరులపై
అది... కారం.
5, ఫిబ్రవరి 2019, మంగళవారం
అమ్మాయెందుకని?
పుట్టకముందే చిదిమేస్తున్నావ్
అమ్మా! యెందుకని!
మీ అమ్మ నిన్నలా చేసిందా
అమ్మాయెందుకని?
-
3, ఫిబ్రవరి 2019, ఆదివారం
"రాం...రాం"
"రాం...రాం" అంటే పుణ్యం
పుణ్యకార్యానికి తోడుగా
"రాం...రాం" అంటే పాపం.
2, ఫిబ్రవరి 2019, శనివారం
నాకమంటారు.
స్వర్గానికి మరోపేరు
నాకమంటారు
అరచేతిలో తేనెను
నాకమంటారు.
కొత్త పోస్ట్లు
పాత పోస్ట్లు
హోమ్
దీనికి సబ్స్క్రయిబ్ చేయి:
పోస్ట్లు (Atom)