కవి'తల' అలలు
ఈ కవి తలలో పుట్టిన అలలు ఈ 'కవితల అలలు' .... ఇవి కవి'తల' అలలు.
23, మార్చి 2012, శుక్రవారం
అభి'నందన'
ఈ నందన వత్సరమున
ఆ నంద నందనుడు
అందించు గాక
అందరకు
ఆనందములు
ఆ నంది వాహనుడు
అందించు గాక
అందరకు శుభాశీస్సులు
రావోయి ' నందన '
నీకు అభినందన
19, మార్చి 2012, సోమవారం
' కాల్చే' స్తారు
నీవు వాహనం
నడిపే టప్పుడు తెలియక
తెలిసిన వారు
నీ ' సెల్ ' కు
పాపం
' కాల్చే' స్తారు
నీవు తెలిసి కూడా
తెలియని వాడిలా
నడుపుతూ మాట్లాడితే
వెళతావు ' హెల్ ' కు
నిన్ను
' కాల్చేస్తారు '.
11, మార్చి 2012, ఆదివారం
తెలుగు 'వాడి' ని.
ఏ దేశ మేగినా
ఎందు కాలిడినా
చెప్పరా గర్వంగా ఇలా
'నేను
తెలుగు వాడిని'
ఏ పనిచేసినా
ఎవరితో కలిసున్నా
ఎప్పుడూ అవబోకు'సున్నా'
చూపించు
తెలుగు 'వాడి' ని.
4, మార్చి 2012, ఆదివారం
'ముక్కు' తాడు
బద్దకస్తు డైన వాడు
ఏ పని చెప్పినా
మూల్గు తాడు
ముక్కుతాడు
ఎద్దు చెప్పినట్లుగా
పని చేయాలంటే
వేయాలి దానికి
ముక్కు తాడు.
కొత్త పోస్ట్లు
పాత పోస్ట్లు
హోమ్
దీనికి సబ్స్క్రయిబ్ చేయి:
పోస్ట్లు (Atom)