కవి'తల' అలలు
ఈ కవి తలలో పుట్టిన అలలు ఈ 'కవితల అలలు' .... ఇవి కవి'తల' అలలు.
29, సెప్టెంబర్ 2018, శనివారం
వా యింపు.
పాట వెనుక ఏమిటి
ఆ వాయిద్యాల వాయింపు
చక్కని బాణీతో
చెవులకు అందించవా యింపు.
26, సెప్టెంబర్ 2018, బుధవారం
వృధాశ్రమ
"
కేర్ కేర్" మంటూ శిశువులు
బేబీ కేర్ సెంటర్ లో
"వృధాశ్రమ" పడ్డామనుకుంటూ
వృద్ధులు వృద్ధాశ్రమంలో.
25, సెప్టెంబర్ 2018, మంగళవారం
"బ్లాక్ డే" రా.
కొందరు బాబాలమంటూ వేస్తారు "డేరా"
ప్రవచనం(?)తో భక్తులను బాదుడేరా
ఆపై కడతారు మేడపై మేడేరా
అక్కడకు వెళ్ళినవారికి అది "బ్లాక్ డే" రా.
21, సెప్టెంబర్ 2018, శుక్రవారం
నవ్వులపాలే.
నీవు తాగేది నిజంగా పాలే
అయినా చూసుకో తాటిచెట్టు
నీప్రక్కన లేకుండేట్టు
లేదంటే ఔతావు నవ్వులపాలే.
20, సెప్టెంబర్ 2018, గురువారం
తలప 'కహాని'.
జీవించాలి మనం
పరులకు మనసున తలపక 'హాని'
అప్పుడు అవుతుంది
నలుగురికీ మన జీవితం తలప 'కహాని'.
19, సెప్టెంబర్ 2018, బుధవారం
మనసు కనిపించాలి.
ప్రేమించాలనేవారి మది స్వచ్ఛమని
మన మనసుకనిపించాలి
వారికికూడా నిర్మలంగా
మన మనసు కనిపించాలి.
17, సెప్టెంబర్ 2018, సోమవారం
ఇదేం పోయేకాలం
ఎండాకాలానికి ఇదేం పోయేకాలం
పై "రవి" తో పైరవి జరుపుతూ
కుర్చీ వదలనంటుంది
వచ్చినా బదిలీపై వెళ్ళిపోయేకాలం.
15, సెప్టెంబర్ 2018, శనివారం
"ఘాటు" రోడ్డు
కొండమీదగాక గుంటలో ఉన్నా
మా ఊరికున్నది "ఘాటు" రోడ్డు
మరి ప్రక్కనే ఉందిగా
గుంటూరు "మిర్చి" యార్డు!
దాగుడుమూతలు
వాన చినుకులకు వయసొచ్చినా
ఇంకా పిల్లచేష్టలు పొలేదు
బయటకు రాకుండా ఎప్పుడూ
మేఘం ఇంట్లోనే "దాగుడుమూతలు."
9, సెప్టెంబర్ 2018, ఆదివారం
లాగిన్లతో లాగేస్తూ
నీగుప్పిట లాగిన్లతో
ప్రపంచాన్ని చూపే సెల్లు
నీగుట్టును లాగేస్తూ
అందులో ప్రపంచం కళ్ళు.
8, సెప్టెంబర్ 2018, శనివారం
ప్రతి ఘటన
తెల్లారేసరికి
ఏబ్రతుకు తెల్లారుతుందో!
చీకటిబడేసరికి ఎవరి జీవితం
చీకట్లోకలుస్తుందో!
పైవాడి చేతలే ప్రతి ఘటన
మన చేతనౌతుందా ప్రతిఘటన?
7, సెప్టెంబర్ 2018, శుక్రవారం
ఇంద్రజాలం
ఇంద్రుడు పంపిన మేఘం
చేస్తోంది ఇంద్రజాలం
పంపిస్తోంది నీటిని తనఒంటినుంచి
కాకుండా రైతు కంటినుంచి.
2, సెప్టెంబర్ 2018, ఆదివారం
వెన్నంటి నాకేసి
శ్రీకృష్ణాష్టమి శుభాకాంక్షలు.
అల్లరి కృష్ణుడా! కుండలో
వెన్నంటి
పిల్లిలా వెళ్తావు వేలితో
నాకేసి
నల్లనయ్యా! ఉండవా నా
వెన్నంటి
చల్లని దృష్టితో చూడు ఎప్పుడూ
నాకేసి
.
1, సెప్టెంబర్ 2018, శనివారం
ఎలా"గోల”
సంగీతం శ్రావ్యంగా తోచాలి
విన్నమనసు ను దోచాలి
ఎలా"గోల” బాదేస్తే ఎలా!
విన్నాక బాధేస్తే ఎలా?
కొత్త పోస్ట్లు
పాత పోస్ట్లు
హోమ్
దీనికి సబ్స్క్రయిబ్ చేయి:
పోస్ట్లు (Atom)