కవి'తల' అలలు
ఈ కవి తలలో పుట్టిన అలలు ఈ 'కవితల అలలు' .... ఇవి కవి'తల' అలలు.
26, జనవరి 2019, శనివారం
కాం వెంట్లు.
"గుడ్ మార్నింగ్" - పోస్టుకి
వందల కామెంట్లు
"గుడ్" - మార్నింగ్ పోస్టుకి
అందరు కాం వెంట్లు.
24, జనవరి 2019, గురువారం
హే 'కింగు'.
ఎన్నికల్లో
మనవాడుగెలిస్తే
హెహే! కింగు
అటువాడు గెలిస్తే
హె! హేకింగు.
22, జనవరి 2019, మంగళవారం
"కల"వు.
అంతర్యామీ!
కలవను వారికి
నీవు "కలవు"
కలవని వారికి
నీవు "కల"వు.
19, జనవరి 2019, శనివారం
అద్దాలనుకోకు.
ప్రతివాడికీ నీ 'పైత్యాన్ని'
అద్దాలనుకోకు
వారి కళ్ళకుండేది నీలాటి
అద్దాలనుకోకు.
16, జనవరి 2019, బుధవారం
చూడ మంచు.
బాలభానునికి ప్రకృతిమాత
సాంబ్రాణి పొగ వేసినట్లుంది
బయటకుచూడ మంచు
ఉషోదయం చెప్తోంది
ఒకసారి
బయటకు చూడమంచు.
15, జనవరి 2019, మంగళవారం
జీవితపు ముగ్గు
దేవుడిచ్చిన క్షణముల చుక్కల్ని
ఎవరికి వారే క
లి
పి
వేసుకోవాలి జీవితపు ముగ్గు
వేసుకున్నవారికి వేసుకున్నంత.
12, జనవరి 2019, శనివారం
"కాలె"త్తితే
ఎవరిమీదైనా
"కాలె"త్తితే పాపం
కొందరికి
"కాల్" ఎత్తకపోతే కోపం.
7, జనవరి 2019, సోమవారం
జాగ్రత్త ఒళ్ళు
చేతిలో ఉంటే సెల్లు
కదిలిస్తే చాలు కళ్ళూ వేళ్ళు
కోరింది నీవైపు మళ్ళు
కాని - జాగ్రత్త ఒళ్ళు.
5, జనవరి 2019, శనివారం
నాన వేసినవి
తింటే మంచిదే
గింజలు నానవేసినవి
దెబ్బలు నాన వేసినవి.
4, జనవరి 2019, శుక్రవారం
నవల.
ఈ లోకం
విధి పరచిన వల
ప్రతి జీవితం
పలు మలుపుల నవల.
కావు! కావు!
భగవంతుడు ప్రత్యక్షమైతే
ఆస్తికుడు -
నీవే నాదేవుడవు, కావు! కావు!
నాస్తికుడు -
నీవేనా దేవుడవు? కావు,కావు.
కొత్త పోస్ట్లు
పాత పోస్ట్లు
హోమ్
దీనికి సబ్స్క్రయిబ్ చేయి:
పోస్ట్లు (Atom)