ప్రతిరోజూ నా కోసం
తానే వచ్చేది
వస్తూనే నాపై వాలిపోయేది
తన అందాన్ని చూపేది
ముక్కుతో సుతారంగా తడుతూ
చక్కలిగింతలు పెట్టేది
నాలో తనను చూసుకునేది
నన్ను ము(మె)రిపించేది
ఇది కొన్నేళ్ళ క్రితం
ఇప్పుడు తాను రావట్లేదు
ఎటుపోయిందో తెలియట్లేదు-
అంటూ "మసకబారిన" ముఖంతో
హృదయ వేదనను
మా వసరా గోడమీది
"అద్దం" పడుతోంది
మనిషి "బుజ్జి పిచ్చుకల" పై
వేసిన బ్రహ్మాస్త్ర "స్మార్ట్"చర్యకు
"అద్దంపడుతోంది"
కామెంట్లు లేవు:
కామెంట్ను పోస్ట్ చేయండి