ముఖంలో
"అందం" నిండుగుంది
బొట్టులేకేమో
అందులో
కళ "నిండుకుంది"
31, డిసెంబర్ 2024, మంగళవారం
28, డిసెంబర్ 2024, శనివారం
27, డిసెంబర్ 2024, శుక్రవారం
21, డిసెంబర్ 2024, శనివారం
9, డిసెంబర్ 2024, సోమవారం
అక్షర "బీజాలు"
"నీ" నోటినుండి వచ్చే
మాటల అక్షర "బీజాలు"
ప్రకృతి పొలంలో "వెదజల్లబడి"
తగిన "ప్రతిఫలాన్ని"
"నీకే" అందిస్తాయి
పంట"కాలాన్ని" బట్టి
6, డిసెంబర్ 2024, శుక్రవారం
30, నవంబర్ 2024, శనివారం
29, నవంబర్ 2024, శుక్రవారం
28, నవంబర్ 2024, గురువారం
"ఓడ"నిస్తుంది
సరియైన జ్ఞానం
జీవనయానానికి
"ఓడ" ఔతుంది
పనికి మాలిన అతితెలివి
జీవన పోరాటంలో
"ఓడ"గొడుతుంది.
"ఓడ" ఔతుంది
పనికి మాలిన అతితెలివి
జీవన పోరాటంలో
"ఓడ"గొడుతుంది.
27, నవంబర్ 2024, బుధవారం
స్పష్టత
"స్పష్టత" కావాలంటే
కొన్నింటిని
"దగ్గరి" నుంచి చూడాలి
కొన్నింటిని
"దూరం" నుంచి చూడాలి
ఏది ఎలా చూడాలో
"స్పష్టత" నీకుండాలి.
"దగ్గరి" నుంచి చూడాలి
కొన్నింటిని
"దూరం" నుంచి చూడాలి
ఏది ఎలా చూడాలో
"స్పష్టత" నీకుండాలి.
25, నవంబర్ 2024, సోమవారం
13, నవంబర్ 2024, బుధవారం
12, నవంబర్ 2024, మంగళవారం
9, నవంబర్ 2024, శనివారం
27, అక్టోబర్ 2024, ఆదివారం
26, అక్టోబర్ 2024, శనివారం
"మందే" లేకుంటే
"మందే" లేకుంటే
త్రాగటానికి
అంత "మందే" లేకుంటే
ఇక ఏమందును
రాబడిలేక ప్రపంచం
"మందు" తాగాల్సిందే.
అంత "మందే" లేకుంటే
ఇక ఏమందును
రాబడిలేక ప్రపంచం
"మందు" తాగాల్సిందే.
18, అక్టోబర్ 2024, శుక్రవారం
6, అక్టోబర్ 2024, ఆదివారం
30, సెప్టెంబర్ 2024, సోమవారం
6, సెప్టెంబర్ 2024, శుక్రవారం
"వేడి"యోలు
సొషల్ మీడియలో
వచ్చే "వీడియోలు"
కొన్ని చూస్తే "వాడి"యోలు
మరికొన్ని మహా "వేడి"యోలు
కొన్ని కొందరి "వొడి"యోలు
అక్కడక్కడ "వండి"యోలు
అప్పుడప్పుడు "వాహ్"డియోలు.
31, ఆగస్టు 2024, శనివారం
30, ఆగస్టు 2024, శుక్రవారం
27, ఆగస్టు 2024, మంగళవారం
24, ఆగస్టు 2024, శనివారం
ఎర - వల
ఎర ఎలా ఉంటుందో
వల ఎలా వేస్తారో
చెప్తూనే ఉంటాయి
తప్పించుక వచ్చిన చేపలు
అయినా వాటికి చిక్కి
బలైపోతూ ఉంటాయి
కొన్ని పిచ్చి మచ్చెములు
కన్నుమిన్నుగానని మీనులు.
చెప్తూనే ఉంటాయి
తప్పించుక వచ్చిన చేపలు
అయినా వాటికి చిక్కి
బలైపోతూ ఉంటాయి
కొన్ని పిచ్చి మచ్చెములు
కన్నుమిన్నుగానని మీనులు.
19, ఆగస్టు 2024, సోమవారం
న్యూ,సెన్స్
శాస్త్ర విజ్ఞానం పెరిగి
"న్యూ" "సెన్స్" తో
నరు"డెదిగి" పోతున్నాడు
ఆకాశానికి
"న్యూసెన్స్" తో
నరుడె "దిగి" పోతున్నాడు
పాతాళానికి.
10, ఆగస్టు 2024, శనివారం
పాడు "బెట్టింగు"
జూదాలు బాగా ఆశబెట్టింగు
ఆవల ఎవరో “వల”బెట్టింగు
"దురాశగాళ్ళు" తలబెట్టింగు
ఆపైన కాసి "బెట్టింగు"
అప్పుజేసి డబ్బుబెట్టింగు
ఆస్తులు కుదువబెట్టింగు
ఉన్నది ఊడ్చిబెట్టింగు
గెలుపే లేకుండా ఓడబెట్టింగు
బంగరు భవితను పాడుబెట్టింగు
చేయాలి తెలివికి పదునుబెట్టింగు
బాగుపడాలనే ఆలోచనబెట్టింగు
నిజం తెలుసుకోవాలనే దృష్టిబెట్టింగు
వీడుతూ ఉండాలి అహం," బెట్టిం"గు
తదుపరి దురలవాటును పడుకోబెట్టింగు
ఆపై వదిలి పెట్టాలి పాడు "బెట్టింగు"
1, ఆగస్టు 2024, గురువారం
14, జులై 2024, ఆదివారం
13, జులై 2024, శనివారం
10, జులై 2024, బుధవారం
స్వాహా
మామూలు సందర్భాలు మినహా
మందుకు వైద్యుని సలహా
మంత్రానికి గురువు సలహా
లేకుండా వాడితే నువ్వు స్వాహా!
మంత్రానికి గురువు సలహా
లేకుండా వాడితే నువ్వు స్వాహా!
9, జులై 2024, మంగళవారం
7, జులై 2024, ఆదివారం
పడవలే
వర్షాన్ని చూస్తూ-
పల్లెలో "సన్నకారు"
కర్షకుడు అంటున్నాడు
ఇంకా "పడవలే"
నగరంలో "చిన్నకారు"
చోదకుడు అనుకుంటున్నాడు
"కావాలి" పడవలే.
5, జులై 2024, శుక్రవారం
2, జులై 2024, మంగళవారం
29, జూన్ 2024, శనివారం
13, జూన్ 2024, గురువారం
9, జూన్ 2024, ఆదివారం
ని(నే)లబడితే
బండ రాళ్ళు
దెబ్బలకోర్చి నిలబడితే
వాటిమీదే అందరికళ్ళూ
అబ్బా అనేడ్చి నేలబడితే
వాటిమీదే అందరికాళ్ళూ.
వాటిమీదే అందరికళ్ళూ
అబ్బా అనేడ్చి నేలబడితే
వాటిమీదే అందరికాళ్ళూ.
3, జూన్ 2024, సోమవారం
27, మే 2024, సోమవారం
26, మే 2024, ఆదివారం
18, మే 2024, శనివారం
నా"గరిక"
బహుశా
ఆ నా"గరిక"
దుస్తులను
"డిజైన్" చేసింది
"సివిల్ ఇంజనీర్స్"
అందుకే
తయారీలో నైపుణ్యం
చూ"పిచ్చి" ఉంచారు
విండోస్ అండ్
వెంటిలేటర్స్.
13, మే 2024, సోమవారం
"voteమి"
ఓటరుకు నాయకులను
"ఎన్నుకొనే" సమయం
నాయకులకు ఓటరును
ఎన్ని, "కొనే" సమయం
ప్రతి వాడూ
అంటాడు "vote me"
చెడ్డవాడికి
అందించు "ఓటమి"
2, మే 2024, గురువారం
27, ఏప్రిల్ 2024, శనివారం
వేలుచుక్క
"వేలుచుక్క" పొడిచే సమయం
సరిగా "మేలుకొని"
నీ"కర్తవ్యం" నిర్వర్తించు
అవుతుంది ప్రజాస్వామ్యానికి "శుభోదయం"
"వేలు" "చుక్క"ల లెక్కలేస్తూ
కనులు "మూసుకొనే" ఉన్నావా
నీ తెలివి "తెల్లారినట్టే"
శుభోదయానికి "చీకటి" అడ్డుకట్టే.
25, ఏప్రిల్ 2024, గురువారం
24, ఏప్రిల్ 2024, బుధవారం
"వంక" ర
మనం గీస్తే
"వంకర" గీతలు
వాటి "వంక" చూడలేం
"బాపు" గీస్తే అవి
"వంక" లేని గీతలు
"బాపురే" అనకుండా ఉండలేం.
వాటి "వంక" చూడలేం
"బాపు" గీస్తే అవి
"వంక" లేని గీతలు
"బాపురే" అనకుండా ఉండలేం.
22, ఏప్రిల్ 2024, సోమవారం
శాంతి వనం
21-04-2024 న అమరావతి సాహితీ మిత్రులు సభలో
"ప్రపంచ శాంతి" అనే అంశం పై చదివి ప్రశంస మరియు సత్కారం పొందిన కవిత.
శీర్షిక: శాంతి వనం.
పరచుకొని ఉంటే ప్రపంచ శాంతి
కొన్నిదేశాలకు ఉండదు మనశ్శాంతి
ఐదు వేళ్ళూ నోట్లోకి పోని దేశమైనా
ఆయుధాలు మాత్రం పోగేసుకుంటుంది
ప్రక్క దేశంపై పెంచుకుంటుంది పగలు
నిద్ర లేకుండా చేస్తుంది రాత్రీ పగలు
అందుకే పెద్దరాజులు మంటలు రాజేస్తూ ఉంటారు
ఒకడికి వెన్నంటి మెత్తగా వెన్నంటి మాటలు చెప్తారు
సాయం చేస్తూ మిత్రుడిలా అంట కాగుతారు
తమ దగ్గరి ఆయుధాలను అంటగడతారు
ఇరు దేశాల మధ్య వచ్చే "ఢీ" పావళి
ఆయుధ టపాసుల వ్యాపారులకి "దీపావళి"
యుద్ధమంటే అది భూమికి కడుపు మంటే
జరిగే మారణ హోమం భావితరాలకు విష ధూమం
అణుబాంబులను పండించి గాదెలలో నింపటమంటే
అగ్ని పర్వతంపై మానవజాతిని నిలబెట్టడమే
పంచభూతాలతో చెలగాటమాడటమంటే
ప్రపంచ భూతాలుగా మారి వినాశం తెచ్చుకోవడమే
ఇప్పటికైనా మూర్ఖపు ఉగ్రవాదాన్ని వీడాలి
ముప్పుతెలిసి యుద్ధోన్మాదాన్ని వదలాలి
కలసి మెలసి ఉంటుంటే కంచెలతో పని ఉందా
భాయి భాయి అనుకుంటే ఆయుధాలు అవసరమా
గత చరిత్రలో తగిలిన గాయాలను తలచుకోవాలి
మన ధరిత్రిని శాంతి వనంగా మలచుకోవాలి
ఇది తెలుసుకొని మానవ లోకం మెలగాలి
నవ శకంతో ప్రపంచ శాంతి వర్ధిల్లాలి.
21, ఏప్రిల్ 2024, ఆదివారం
దే(హ)శ భక్తి
అమరావతి సాహితీ మిత్రులు
వారం వారం వచన కవితల పోటీలు-3 నందు ప్రశంస పొందిన కవిత.
అంశం : దేశ భక్తి
శీర్షిక: దే(హ)శ భక్తి
నీ కులమేదో చెప్పు
ఒంటికి హత్తుకుంటాం
నీ మతమేదో చెప్పు
నెత్తికెత్తుకుంటాం
నీ పార్టీ ఏదో చెప్పు
జెండా పట్టుకుంటాం
నీవు నాకు ఏమౌతావో చెప్పు
అక్కున చేర్చుకుంటాం
నీవు నాకు ఏమిస్తావో చెప్పు
దండం పెట్టుకుంటాం
దేవుడైనా, దేశమైనా
కులమో, మతమో, పార్టీనో,
బంధమో, అనుబంధమో
లేకుంటే ఎలా?
అయినా, జెండా ఎగరేసి
మా "కర్మ"ను మరువకుండా
ఏడాదికి రెండు "దినాలు"
పెడుతున్నాం దండాలు
ఇది "దేశభక్తి" కాదంటావా?
"దేశమంటే మట్టి కాదోయ్
దేశమంటే మనుషులోయ్"
మేమే కదా ఈ దేశం
మా "దేహ" భక్తియే "దేశ భక్తి"
15, ఏప్రిల్ 2024, సోమవారం
ముద్దౌతాడు
తన శ్రమలో
చెమటతో
తడిసి ముద్దౌతాడు
ఆకలిగొన్న
భూజనులకు
అన్నం ముద్దౌతాడు
అందుకే రైతు
పుడమితల్లికి
ఎంతో ముద్దౌతాడు.
తడిసి ముద్దౌతాడు
ఆకలిగొన్న
భూజనులకు
అన్నం ముద్దౌతాడు
అందుకే రైతు
పుడమితల్లికి
ఎంతో ముద్దౌతాడు.
14, ఏప్రిల్ 2024, ఆదివారం
దేవతార్చన
అమరావతి సాహితీ మిత్రులు
వారం వారం వచన కవితల పోటీలు - 2 నందు ప్రశంసను పొందిన కవిత.
అంశం : రైతు
శీర్షిక: దేవతార్చన
సూర్యుడు కాల్చినా బెదరనివాడు
వర్షం తడిపినా దడవనివాడు
చలి పులి కొరికినా వణకని వాడు
వేకువ కోడితో పోటీపడి లేచి
తన దేవాలయ క్షేత్రానికి వెళతాడు
భూదేవిని తన పొలంలో ఆవాహన చేస్తాడు
నాగలితో నమస్కరిస్తాడు
అరకతో అర్చన చేస్తాడు
విత్తనాల అక్షతలు చల్లుతాడు
తన శ్రమను నైవేద్యంగా సమర్పిస్తాడు
పంట వరాల కోసం ప్రకృతిమాత వైపు
ఆకాశం కేసి చూస్తూ ఉంటాడు
వరాలిచ్చినా ఇయ్యకపోయినా
దేవతార్చన వదలని అర్చకుడు అతడు
భక్తులకు ప్రసాదం అందించి
తన బాధ్యత అని తృప్తిపడే పూజారి అతడు
పళ్ళెంలో చిల్లరే తన ప్రాప్తమనుకుంటాడు
ఎదురుగా ఎన్నో రుసుములు హుండీలలో నోట్లు
ఎవరైనా గుర్తించక పోతారా అనుకుంటాడు తన పాట్లు
అతని బ్రతుకు మారితే
తన అర్చనకు ఎగనామం పెడతాడనేమో
దేవుడు కూడా అతన్ని అలాగే ఉంచుతున్నాడు
ఆ రైతు బాగుంటేనే వ్యాపారికి మజా మజా
ఆ పూజారి కోలుకుంటేనే లోకానికి పొట్టపూజ
13, ఏప్రిల్ 2024, శనివారం
12, ఏప్రిల్ 2024, శుక్రవారం
భూమాత నగలు
అమరావతి సాహితీ మిత్రులు
వారం వారం వచన కవితల పోటీలు - 1 నందు ప్రశంసలు పొందిన కవిత.
అంశం : నగరాలు
శీర్షిక: భూమాత నగలు
చెరువులను మింగేస్తూ, చెట్లను నమిలేస్తూ
కొండలను కొరికేస్తూ, గ్రామాలను ముంచేస్తూ
ముందుకు ముందుకు, పైపైకి ‘ఎత్తు’కు పోతుంటాయి
పచ్చపచ్చని చూపులను ‘ఎత్తుకు’ పోతుంటాయి
పలకరింపులు నోచుకోని, వేలవేల జనాలతో
ప్రయాణానికి ఇరుకైన, సువిశాల రహదారులతో
వెలుగుల జల్లులు చల్లుతూ చల్లగా ఆహ్వానిస్తుంటాయి
క్షణం ‘తీరిక’ లేకుండా మా ‘తీరి’క ఇంతేనంటుంటాయి
బాగా ఉన్న వారికి చచ్చేంత సుఖమిచ్చే స్వర్గ ధామాలు
ఏమీ లేనివారికి తప్పని బ్రతుకిచ్చే నరక కూపాలు
అందరినీ ఆకర్షించే అద్భుత అయస్కాంతాలు
జేబులకు వేస్తుంటాయి కళ్ళకు కనబడని కంతలు
ఒక క్షణం భూమి కంపిస్తే గజగజ వణికి పోతుంటాయి
ఒక గంట వాన కురిస్తే గుండెలు చెరువులైపోతుంటాయి
ఒక పూట విద్యుత్తు ఆగిపోతే ఊపిరి ఆగినట్లైపోతుంటాయి
ఒక రోజు నీళ్ళు రాకపోతే ఊరకే నీరుగారి పోతుంటాయి
అయినా భూమాతకు పెట్టిన నగలుగా నగరాలు
అన్నింటికీ తట్టుకొని మెరుస్తూ మురిపిస్తూ ఉంటాయి
అందర్నీ అక్కున చేర్చుకొని భరిస్తూ నిలుస్తూ ఉంటాయి
చీకటి వెలుగుల ఉపాధికి విస్తరి వేస్తూ విస్తరిస్తూ ఉంటాయి.
8, ఏప్రిల్ 2024, సోమవారం
7, ఏప్రిల్ 2024, ఆదివారం
4, ఏప్రిల్ 2024, గురువారం
31, మార్చి 2024, ఆదివారం
"పుచ్చు" కొన్నంత
వస్తోంది
"వేలుచుక్క" పండగ
అందిస్తుంది
వేలు, చుక్క నిండుగ
"పుచ్చుకొన్న" వాడికి
"పుచ్చు" కొన్నంత
29, మార్చి 2024, శుక్రవారం
ప్రై'వశీకరణం'
తెలియకుండా
మనమాటను
వినేట్టు చేస్తే
వశీకరణం
వారి మాటలను
వినాలని చూస్తే
ప్రైవసీకరణం.
24, మార్చి 2024, ఆదివారం
15, మార్చి 2024, శుక్రవారం
2, మార్చి 2024, శనివారం
26, ఫిబ్రవరి 2024, సోమవారం
20, ఫిబ్రవరి 2024, మంగళవారం
10, ఫిబ్రవరి 2024, శనివారం
సోషల్ మీడియా
సోషల్ మీడియా
ఎంతో విశాల్ మీడియా
దొంగ వేషాల్ మీడియా
పలు దోషాల్ మీడియా
కొందరి రోషాల్ మీడియా
మరికొందరి ద్వేషాల్ మీడియా
కీ.శే.లకూ ఆత్మఘోషల్ మీడియా
మంచి పంచితే కుశాల్ మీడియా
సరిగ ఉంటే సంతోషాల్ మీడియా
దొంగ వేషాల్ మీడియా
పలు దోషాల్ మీడియా
కొందరి రోషాల్ మీడియా
మరికొందరి ద్వేషాల్ మీడియా
కీ.శే.లకూ ఆత్మఘోషల్ మీడియా
మంచి పంచితే కుశాల్ మీడియా
సరిగ ఉంటే సంతోషాల్ మీడియా
27, జనవరి 2024, శనివారం
16, జనవరి 2024, మంగళవారం
కాగితం ముక్క
ఛీకొట్టి విసిరేస్తే
రోషంతో ఒళ్ళును
విల్లులా విరుచుకున్న
చీపురుపుల్లని
చిత్తుగా నలిపేస్తే
ఎత్తుకెదగాలని
వివేకం పరుచుకున్న
కాగితం ముక్క
తనతో కలుపుకొని
భుజాలకెత్తుకుంది
"సూత్రం" తెలిసిన
"సూత్రధారుని"తో
కలిసి "సాగి"పోయింది
ఆకాశానికెగిరింది
ఛీకొట్టిన వారే
పొగడగా జై కొడుతూ
చిత్తు అన్నవారికి
ఎత్తుగా కనబడుతూ.
15, జనవరి 2024, సోమవారం
క్షేమకర సంక్రాంతి
మనసుగదిలో ఆలోచనల అటకపై
దాచిన పనికిరాని వస్తువులు
చేదుజ్ఞాపకాలు, గ్రుడ్డి అనుమానాలు,
అకారణ ద్వేషాలు, ప్రతీకార తలపులు
మరపు అనే భోగిమంటలో
వాటిని వేసి, చేసిచూడు మసి
బ్రతుకున ఎదురౌతుంది
క్షేమకర మకర సంక్రాంతి
14, జనవరి 2024, ఆదివారం
మీలో గిలి
మీకు మీ కుటుంబ సభ్యులకు అందరికీ భోగి పండుగ శుభాకాంక్షలు.
భోగి మంటల వేడితో
పోవాలి చలితోపాటు మీలో గిలి
భోగ భాగ్యాల వెలుగుతో
నిండిపోవాలి మీ లోగిలి.
8, జనవరి 2024, సోమవారం
దీనికి సబ్‌స్క్రయిబ్ చేయి:
పోస్ట్‌లు (Atom)