19, సెప్టెంబర్ 2019, గురువారం

ఉప్పొంగుతాయి

నాజూకు నగరాలు 
తళుకులకు మురిసి మనసులు 
వానలకు మురికి కాలువలు  
ఉప్పొంగుతాయి.


16, సెప్టెంబర్ 2019, సోమవారం

వీడియో "గం".

బాగుంది వీడి యోగం   
అంటలేదు ఆ రోగం
జబ్బులాటిది వీడియోగేం  
వదలదది వీడియో "గం". 

14, సెప్టెంబర్ 2019, శనివారం

బేతాళుడి ప్రశ్న

అక్కడి బేతాళుడి "ప్రశ్నకు"
"సమాధానం" చెప్పలేక మౌనమా
మాతల వేయి వక్కలౌతున్నది
"విక్రం!" సమాధానం చెప్పు.

10, సెప్టెంబర్ 2019, మంగళవారం

"విక్రం" మాట్లాడాలి


"మూను" మామ ముద్దుతో  
ఆనందంలో మునిగిపోయావా?
"విక్రం!" తేరుకొని మాట్లాడు 
భరత భూమి"తల్లి"డిల్లుతోంది. 

2, సెప్టెంబర్ 2019, సోమవారం

మన "వి" నాయకులకు.

ఊరూరా గరికను భక్తితో 
సమర్పిద్దాం మన వినాయకులకు 
ఔరౌరా! గడ్డిని తినొద్దని 
చేద్దాం మనవి నాయకులకు. 

1, సెప్టెంబర్ 2019, ఆదివారం

29, ఆగస్టు 2019, గురువారం

26, ఆగస్టు 2019, సోమవారం

అది కారం.

అవసరమైన వరకే
ఉపయోగించమంట
పులుముకుంటే మంట
అధికారం - అది కారం.

ఉండి పోరు

కార్యసాధకులు సమస్యలొస్తే
నిరాశతో ఉండిపోరు
లక్ష్యం చేరేదాకా చేస్తారు
ఎదురుగా ఉండి పోరు 

(ఏ )దోచెయ్యాలని

అనుకోకు నలుగురినీ
పుట్టినందుకే దోచెయ్యాలని
అనుకోవాలి నలుగురికీ
పుట్టినందు కేదోచెయ్యాలని.




21, ఆగస్టు 2019, బుధవారం

19, ఆగస్టు 2019, సోమవారం

వరదా! వరదా!

ఇక్కడ పోతుంటే మునిగి 
ఎవరది? దేవుణ్ణి 
తెలుగులో ప్రార్థించేది 
వరదా! వరదా! అని?

తెలుగు వాడనీ!

విదేశంలో పుట్టినా 
మీ వాడిని తెలుగు వాడనీ!
ఎలుగెత్తి చాటాలిరా 
మా వాడు 'తెలుగువాడనీ'.

16, ఆగస్టు 2019, శుక్రవారం

చదువులమ్మ పూనటం

పాఠశాలల్లో తగ్గాలి
చదువు 'లమ్మబూనటం' 
విద్యార్థులకు పెరగాలి
'చదువులమ్మ' పూనటం.

నారి,చిన్నారి

అత్యాచారి ఔతున్నాడు హత్యాచారి
వాడికెవరైతేనేం నారి,చిన్నారి
'శిక్షఉరి' అన్నా మారటం లేదుమరి
ఎవరి జాగ్రత్త వారిదే ప్రతిసారి.


12, ఆగస్టు 2019, సోమవారం

9, ఆగస్టు 2019, శుక్రవారం

3, ఆగస్టు 2019, శనివారం

29, జులై 2019, సోమవారం

'చెయ్యి'స్తాడు.

నటన సూత్ర ధారి
నటన అందరి చేత చేయిస్తాడు
మంచి "యాక్షన్" కి చేయిస్తాడు
"ఓవర్ యాక్షన్" కి 'చెయ్యి'స్తాడు.

28, జులై 2019, ఆదివారం

వత్తిడి

జ్యోతిని వెలిగించు
తైలముతో వత్తిడి
దేవుని ధ్యానించు 
తొలగించుకో ఒత్తిడి.

24, జులై 2019, బుధవారం

'లాజిక్కు'లు

కోరితే దేవుని కోర్కెలు 
తీస్తాడు 'లాజిక్కు'లు
కోరక వేడితే రావు 
అంతలా చిక్కులు.

19, జులై 2019, శుక్రవారం

కావుకావుమని.

కనీసం ఎంగిలిచేత్తో తోలావా కాకిని
అరుస్తుంటే కావుకావుమని
లేకుంటే ఉంటుందా నీకు భగవంతుని
అడిగే అర్హత కావుకావుమని.

18, జులై 2019, గురువారం

"టిక్" టాక్

అనాలోచిత "టిక్ టాక్" 
మృత్యువు నీకు పెట్టే "టిక్" 
ఆపై  నీ గురించే "టాక్".  

16, జులై 2019, మంగళవారం

9, జులై 2019, మంగళవారం

రా 'బడిని.'

చదువులమ్మ దయతో
పెట్టాడురా బడిని
చదువులమ్మకంబెట్టి
పెంచాడు రాబడిని.


8, జులై 2019, సోమవారం

ఈ "టెలుగా"

ఆ "టెల్గు" వారు
మాట్లాడేది ఈ "టెలుగా"
"తెలుగు"వారికి ఆమాటలు
తగులుతున్నాయి "ఈటెలుగా".


7, జులై 2019, ఆదివారం

కందిన ముఖంతో

కమలాలను చూడాలని
వెలిగిపోతూ రావడం
కలువలు పట్టించుకోలేదని
కందిన ముఖంతో వెళ్ళడం.


3, జులై 2019, బుధవారం

'ఫిల్లర్ విత్ ఫిల్టర్'.

మబ్బు 'వాటర్ ట్యాంకర్'
గాలి 'నడిపే డ్రయివర్'
సముద్రం 'రిజర్వాయర్'
సూర్యుడు 'ఫిల్లర్ విత్ ఫిల్టర్'.

2, జులై 2019, మంగళవారం

మబ్బు "తెర "

ఇటు సిగ్గు 'మొగ్గ 'లతో తామర
అటు ఉషోదయ 'కాంతి'తో సూర్యుడు
నడుమ 'వధూవరు'ల మధ్య
ప్రకృతి పట్టిన "తెర "లా మబ్బు.

1, జులై 2019, సోమవారం

పచ్చగా నవ్వుతుంది

సూర్యుడు ఎంత మాడ్చినా
ఓర్పు జలాన్ని పైకి పంపి
ఉపశమనపు జల్లుల్ని పొంది
పచ్చగా నవ్వుతుంది పుడమి.


30, జూన్ 2019, ఆదివారం

29, జూన్ 2019, శనివారం

"యంత్రం" - "మంత్రం"

పద్దతి'గా కూర్చిన వస్తువులకు
విద్యుచ్చక్తి తోడైతే "యంత్రం"
'పద్దతి'గా పేర్చిన అక్షరాలకు
స్వర శక్తి తోడైతే "మంత్రం".


27, జూన్ 2019, గురువారం

కంటి "కానక"

పెద్దవారైతే, శుక్లము 
రావచ్చు కంటి "కానక"
"పెద్ద"వారైతే, చిన్నచూపు 
కొందరిపై "కంటికానక".

26, జూన్ 2019, బుధవారం

25, జూన్ 2019, మంగళవారం

19, జూన్ 2019, బుధవారం

అమ్మా! యిదా?

మురికి గుంటలో పురిటి బిడ్డ 
నీ కన్నప్రేమ అమ్మా! యిదా?
పాపం కళ్ళు మూసుకుపోయిన నీదా?
కళ్ళుకూడా తెరవని అమ్మాయిదా? 

15, జూన్ 2019, శనివారం

పెద్ద "వారు".

ప్రపంచ దేశాధినేతలు 
ఎవరికి వారే "పెద్దవారు"
సంయమనం కోల్పోతే 
జరుగుతుంది పెద్ద  "వారు". 

12, జూన్ 2019, బుధవారం

"నగ"వుండాలంటే

మనకు బంగారం కావాలి
మెడలో "నగ"వుండాలంటే
మనసు బంగారం కావాలి
ముఖంలో "నగవుం"డాలంటే.

9, జూన్ 2019, ఆదివారం

4, జూన్ 2019, మంగళవారం

"నై" పుణ్యం.

సాధించాలి నచ్చిన 
పనిలో నైపుణ్యం 
పరులను కష్టపెట్టే
పనిలో "నై" పుణ్యం. 

3, జూన్ 2019, సోమవారం

2, జూన్ 2019, ఆదివారం

31, మే 2019, శుక్రవారం

కూలి పోతుంది

పనిలేకుంటే కష్టజీవులకు
కూలి పోతుంది
ఆసరా లేకుంటే వారి బ్రతుకు
కూలిపోతుంది.

నైట్ వాచ్"మూన్".

చుక్కల పూదోటకి
రాత్రి కాపలాదారు కొలువు 
చంద్రుడికి నెలకి
ఒకరోజు మాత్రమె సెలవు.

30, మే 2019, గురువారం

"చుక్కకన్నెలు"

"చందమామ" కనబడకుంటే 
గుంపులుగా ఎదురు చూపులు 
కనబడితే మూస్తాయి సిగ్గుతో
"చుక్కకన్నెలు" తలుపులు.

29, మే 2019, బుధవారం

'మండి'పడుతున్నాడు.

ఎండాకాలం కూడా 
ఎండలెక్కువంటారేమిటి 
అని సూరీడు 
'మండి'పడుతున్నాడు.

'శంక' రా.

భక్తుల గుండెల్లో 
నిలచి ఉండే శంకరా!
భక్తి లేనివారి 
గుండెల్లో నీవొక 'శంక' రా.

22, మే 2019, బుధవారం

21, మే 2019, మంగళవారం

20, మే 2019, సోమవారం

18, మే 2019, శనివారం

కుక్కకు

మూర్ఖుడి మనసులో
హితవచనాలు కుక్కకు
ఏమిచేసినా తోక వంకర
సరియౌతుందా కుక్కకు?

16, మే 2019, గురువారం

మేఘాల గుండె పగిలి

పైనుంచి మంచు గడ్డలేమిటి? 
భూమి తాపాన్ని చూసి 
చల్లని మేఘుడి గుండె 
పగిలి ముక్కలైనట్లుంది.

15, మే 2019, బుధవారం

విండో-నెట్-మౌస్

కిటికీ, వల, ఎలుక 
భాష మాత్రమె తెలిస్తే
కిటుకీవల ఎరుక 
విజ్ఞానం సముపార్జిస్తే.

"పంట"నొక్కెయ్యాలని

కాపుగాసిన "కొమ్మా!" జాగ్రత్త
"కాపు" లేకుంటే చూసి
కాపురుషులు ఉంటారు
"పంట"నొక్కెయ్యాలని "కాపుగాసి"


13, మే 2019, సోమవారం

12, మే 2019, ఆదివారం

దూరం త్రీ ఫీటు.

ఎండాకాలం క్రమంగా 
పెరుగుతోంది హీటు 
మధ్యాహ్నం చూడగా 

కర్ఫ్యూ స్ట్రీటు 
రోజంతా 

చెమట స్నానాల హేటు
సన్నిహితుల మధ్యకూడా

 దూరం త్రీ ఫీటు.

9, మే 2019, గురువారం

భూమాత చెమట బొట్టు

భూమాత జీవుల్ని మోస్తూ 
తిరుగుతోంది సూర్యుని చుట్టూ
సప్తసముద్రాలయ్యాయనుకుంటా
చిందిన స్వేదం బొట్టూబొట్టూ.

8, మే 2019, బుధవారం

గాలి చెలి ఒడిలో

ఎండకు తిరిగి అలసినప్పుడు
చల్లని "గాలిచెలి" స్పర్శతో
సేదతీరి, మేఘుడు రాల్చిన
ఆనంద బాష్పాలు ఈ చినుకులు.

7, మే 2019, మంగళవారం

6, మే 2019, సోమవారం