తెలుగువాడా!

 తెలుగువాడా! ఏ వాడనున్నా

తెలుగు వాడి,
తెలుగు వాడిపోకుండా
తెలుగు 'వాడను' అనుకోకుండా
'తెలుగువాడను' అనుకుంటూ
తెలుగు 'వాడిని' పెంచాలనుకుని
'తెలుగువాడిని' పెంచి
తెలుగువాడిననిపించుకోవాలి

ఫాలోయ(వ)ర్

 

మనలను "ఫాలో" 

అవుతూ ఉంటారు  

కొందరు ఫాలో "యరులు"

కొందరు ఫాలో "వరులు"

తెలుసుకొని వేయాలి "అడుగు"లు. 

బలుపు

 లేకుంటే

నోటిపై అదుపు
అ(క)నిపిస్తుంది
"ఒళ్ళు బలుపు."

కని "కట్టు"

 ఫ్యాషన్ కని కట్టు

దూరంనుండి చూస్తే లేనట్టూ

దగ్గరకొచ్చి చూస్తే ఉన్నట్టూ

కొందరి కట్టుబట్టా, బొట్టూ.