కవి'తల' అలలు
ఈ కవి తలలో పుట్టిన అలలు ఈ 'కవితల అలలు' .... ఇవి కవి'తల' అలలు.
28, మార్చి 2013, గురువారం
'చేదు' కో !
ఓ నరుడా !
జీవన యానంలో
ప్రతి మలుపూ
మంచికో ! చెడుకో !
తీపికో !
చేదుకో !
ఓ దేవుడా !
ఏ మలుపులోనైనా
జారి పడితే
నూతిలో ! గోతిలో !
ఆదుకో !
చేదుకో !
26, మార్చి 2013, మంగళవారం
షాక్
భగవచ్ఛక్తీ, విద్యుచ్ఛక్తీ
రెండూ మేలు చేసేవే.
వాని ' ధర్మం ' తెలియక
తప్పు చేస్తేనే ' షాక్ ' కొడతాయి.
19, మార్చి 2013, మంగళవారం
' చిలుక ' గా
మంచి కోసం తపన పడబట్టే
మొదట విషం వచ్చినా
చివరకు అమృతం దక్కింది
క్షీర సంద్రాన్ని
చిలుకగా
.
మంచిగా మారాలని తపన వుండబట్టే
అసహ్యకరమైన రూపం నుంచి
గొంగళి పురుగు మారింది
సీతాకోక
చిలుకగా.
10, మార్చి 2013, ఆదివారం
' చిచ్చు'
భవ నాశంకరా
నీ కంట దాచావు
భవ బంధములను
గాల్చు
చిచ్చు
భయ నాశంకరా
నే చంటి వాడిని
భయము పోయేట్లుగా
కొట్టు
చిచ్చు.
కొత్త పోస్ట్లు
పాత పోస్ట్లు
హోమ్
దీనికి సబ్స్క్రయిబ్ చేయి:
పోస్ట్లు (Atom)