కవి'తల' అలలు
ఈ కవి తలలో పుట్టిన అలలు ఈ 'కవితల అలలు' .... ఇవి కవి'తల' అలలు.
30, జులై 2018, సోమవారం
ఉత్సాహంగా "ఉరికి"
అత్యాచారి ముదిరి హత్యాచారి
అవుతున్నాడు జాగ్రత్తమరి
పాపంచేస్తున్నాడు ఉత్సాహంగా
ఉరికి
ఏమాత్రం వెరవట్లేదుకూడా
ఉరికి.
27, జులై 2018, శుక్రవారం
నిండుచంద్రుడైనా
ఇరవైఏడు నక్షత్రాల ఆకాశహర్మ్యంలో
ఉండే నిండుచంద్రుడైనా
కదలే కాలానికి "చిక్కాల్సిందే"
చీకట్లో కలిసి "పోవాల్సిందే".
26, జులై 2018, గురువారం
వాటర్ లోన్
సముద్రంబ్యాంక్ నుండి "వాటర్ లోన్"
భూమి "ఎకౌంట్ బుక్స్" మేఘాల్లోకి
"ట్రాన్స్ ఫర్" చేస్తుంటాడు సూర్యుడు
నదులద్వారా జరుగుతుంది"రీపేమెంట్"
23, జులై 2018, సోమవారం
పండుకొని
అమృత ఫలాలను
చేస్తున్నారు
రసాయనాలతో విషతుల్యం
మనం ఏం చేస్తాం
పండుకొని పండ్లుకొరకటం తప్ప.
18, జులై 2018, బుధవారం
దేవుళ్ళాట
బయటి దేవుళ్ళకోసం దేవుళ్ళాటా?
వదలు..అది దేవుళ్ళాట
అందరు దేవుళ్ళ కొలువు
నీమనసులోనే...వెదకి కొలువు.
17, జులై 2018, మంగళవారం
మెరుపుసమ్మె
సూర్యుడు కాల్చుకు తింటున్నాడని
గర్జిస్తూ మేఘాల మెరుపుసమ్మె
గాలి కొట్టిన దెబ్బలతో
చెల్లాచెదురై నీరుగారిపోయింది.
16, జులై 2018, సోమవారం
"సెల్ " ఫిష్
మనిషి ఎప్పటినుండో
"సెల్ఫిష్:"
ఇప్పుడు
"సెల్ " ఫిష్ కూడా.
15, జులై 2018, ఆదివారం
చినుకుబిడ్డ
నిండు గర్భిణిలా నల్లమబ్బు
పురిటి వేదనలా ఉరుము
మెరుపు శస్త్రచికిత్స తో
భూమ్మీద పడ్డ
ది
చినుకుబిడ్డ.
సెల్లుల్లోకి దించుతూ.
చావుబ్రతు
కు
ల్లో నమస్కరిస్తూ
రెండుచేతులు - చుట్టూ వందచేతులు
సాయాన్ని అందించుతూ కాదు
దృశ్యాన్ని సెల్లుల్లోకి దించుతూ.
14, జులై 2018, శనివారం
"కలువనంటే"
జ్ఞాన రవికిరణాలతో
"కలువనంటే"
హృదయానికి
వికాసమేముంటుంది.
13, జులై 2018, శుక్రవారం
'నీట్' మేఘం
నీటుగానుండే తెల్లటి మేఘం
మోటుగా ఎండనబడి నల్లబడింది
చేటుగలగకుండా లోకానికి
నీటిని చల్లగా అందించాలని.
11, జులై 2018, బుధవారం
భక్త "వరదా!"
నిన్నటి ఎండలకు మనం -
వానలు కురిపించు భక్తవరదా!
రేపటి వానలకూ మనమే -
స్వామీ ఇంత వరదా!
10, జులై 2018, మంగళవారం
వేళ్ళూకళ్ళు
కనీసం కుందుళ్ళు దుముకుళ్ళు
ఆడితే కదులుతుంది ఒళ్ళు
వీడియోగేంతో కదిలించే వేళ్ళూకళ్ళు
వేస్తాయి
ఆరోగ్యానికి సంకెళ్ళు.
8, జులై 2018, ఆదివారం
"పాపు"లరు
పూజిస్తే "పుణ్య"శీలురు
ద్వేషిస్తే "పాపు"లరు
అదే రాముని "పవరు"
5, జులై 2018, గురువారం
మాయల "ఫకీర్లు"
"కామదర్శిని" మాయాదర్పణం లోచూసి
బాలనాగమ్మను చెరబట్టాడు "మాయలపకీరు"
జాగ్ర త్త - బాలలూ, నాగమ్మలూ
ఇప్పుడెందరో "కామదర్శిని"తో "ఫకీర్లు".
4, జులై 2018, బుధవారం
ఫేసు - బుక్కు
వాడి ఫేసు ముందు బుక్కు
అందులోకే ఉంది లుక్కు
చూసేది "ఫేసు బుక్కు"
తండ్రి గుండె కలుక్కు.
3, జులై 2018, మంగళవారం
వేడితే "నీరు"
కొందరు-
పేదవారికి ఇవ్వరు
వేడితే "నీరు"
పెద్దలు కూడితే చాలు
వేడి "తేనీరు"
2, జులై 2018, సోమవారం
"ఆంటీకి" ఆ "హారం"
మొదట
తెలుగు "తల్లికి"
అందించు ఆదరణల "ఆహారం"
ఆపైనే ఇంగ్లీషు "ఆంటీకి"
మెడనుంచు మో(క్రే)జుల ఆ "హారం"
కొత్త పోస్ట్లు
పాత పోస్ట్లు
హోమ్
దీనికి సబ్స్క్రయిబ్ చేయి:
పోస్ట్లు (Atom)